Tanzania Women’s Run yafutwa

MBIO ya Tanzania Women Run 2021 iliyopanga kufanyika leo jijini Dar es Salaam imefutwa.

Mbio hiyo ilikuwa mahsusi kabisa kwa ajili ya kusheherekea Siku ya Wanawake Duniani, ambayo inafanyika kesho Jumatatu.

Kwa mujibu wa mratibu wa mbio hiyo Pili Hussein, wamepokea taarifa kutoka polisi kuwa mbio hiyo haitafanyika kwa sababu za kiusalama.

Hussein alisema kuwa wamepokea taarifa hiyo na kuiteleza na sasa wanaangalia lini tarehe nyingine ya kufanyika mbio hiyo, ambayo ni ya kwanza kufanyika nchini.

Alisema mara baada ya kupanga tarehe mpya, waandaaji watawasiliana na washiriki ili kuwapa taarifa hiyo.

Alisema tayari washiriki wengi walikuwa wameshajiandikisha kwa ajili ya kushiriki mbio hiyo.