Kocha Mkuu wa Mtibwa Sugar, Zuberi Katwila
Kocha Mkuu wa Mtibwa Sugar, Zuberi Katwila amesema kuwa wameanza hesabu za kujiondoa chini ya msimamo wa Ligi Kuu Bara baada ya juzi Jumamosi (Machi 09) kuibuka na ushindi wa mabao 2-1 mbele ya Tanzania Prisons mchezo uliopigwa Manungu, Complex, Turiani, Morogoro.
Licha ya ushindi huo Mtibwa Sugar imeendelea kusalia mkiani mwa msimamo wa ligi wakiwa na pointi 15 baada ya kushuka uwanjani mara 20.
Katwila amesema walianza mchezo wakiwa na morali nzuri lakini waliporuhusu bao la mapema liliwatoa mchezoni lakini anashukuru vijana wake walirudi na kusawazisha makosa na kupata ushindi huo muhimu.
Kocha Mkuu wa Tanzania Prisons, Hamad Ally amesema sio matokeo waliyotarajia waliingia kwenye mchezo huo wakihitaji pointi tatu amekubali amepoteza mchezo kutokana na makosa ya vijana wake anaenda kuyafanyia kazi kwenye uwanja wa mazoezi
“Mzunguko wa pili unahitaji umakini sana unapopoteza unajiweka katika eneo la chini ya msimamo, nimeona mapungufu kadhaa kwenye baadhi ya maeneo ambayo tunaenda kuyafanyia kazi,” amesema Ally.