Taifa Stars yarejea Dar

Timu ya Taifa “Taifa Stars” imewasili nyumbani ikitokea Annaba, Algeria walikofuzu AFCON 2023 katika mchezo wa mwisho wa makundi dhidi ya wenyeji Algeria.

Tanzania imefanikiwa kufuzu fainali za AFCON 2023 usiku wa juzi baada ya kitoa sare ya bila kufungana na Timu ya Taifa ya Algeria katika Dimba la May 19, nchini humo.

Matokeo hayo yalizifanya Algeria kufikisha alama 16 akiwa kinara wa kundi na Tanzania alama 8 katika nafasi ya pili, alama hizi hazingeweza kufikiwa na timu yoyote kwenye kundi hilo, hivyo Uganda na Niger wakaaga mashindano dakika za lala salama.