Claudio Taffarel akiwa na Golikipa wa Liver Alisson Becker
Golikipa wa zamani wa Brazil na mshindi wa kombe la Dunia Claudio Taffarel, 55 amejiunga na benchi la makocha (ufundi) katika klabu ya Liverpool.
Kipa huyo wa zamani wa Brazil amabae alishinda Kombe la Dunia mwaka 1994 atajiunga na John Achterberg na Jack Robinson kuwa makocha wa magolikipa katika klabu ya Liverpool.
Taffarel atafanya kazi katika klabu ya Liverpool lakini vile vile ataendelea kuwa kocha wa makipa katika timu ya Taifa ya Brazil.
“Tuliongea na Ali [Becker] kwasababu makipa bora duniani ni wabrazil na tulipata suluhisho la kumleta Taffarel na umekuwa mchango mkubwa kwenye benchi la ufundi,” alisema Meneja Jurgen Klopp
“Tunafikiri inaweza kutupa mtazamo tofauti tena, kuangalia vitu tofauti".
“Tunataka kuwa shule iliyokamilika ya magolikipa katika dunia ya mpira na ndo maana atumemleta mwalimu wa tatu wa makocha ambaye ana uzoefu mkubwa, mkubwa sana.” aliongeza.