Tabora United kujitafuta kwa Dodoma Jiji

Mechi ya mapema ya ligi kuu ya NBC leo hii ni kati ya Tabora United dhidi ya Dodoma Jiji itakayopigwa majira ya saa 10:00 jioni katika dimba la Ali Hassan Mwinyi.

Tabora United imepanda ligi kuu msimu huu huku mpaka sasa ikiwa imeshacheza michezo yake minne ikishinda mchezo mmoja pekee huku ikitoa sare mbili na kupoteza mmoja ikiwa na pointi zake 5.

Wakati kwa upande wa Dodoma Jiji yeye yupo nafasi ya 9 akiwa naye amecheza michezo minne akishinda mechi moja, sare mbili na kupoteza mchezo mmoja hadi sasa kwenye ligi.

Timu hizi hazijawahi kukutana kwenye ligi kwani moja imepanda ligi kuu msimu huu huku nyingine ikipanda msimu wa 2019. Hivyo litaenda kushuhudiwa pira la kuwania pointi 3 muhimu kwa kila timu.