TPLB yala vichwa Ligi Kuu, 'ball boy' amponza kipa Ihefu

Kamati ya Uendeshaji na Usimamizi wa Ligi ya Bodi ya Ligi Kuu Tanzania (TPLB) amemtoza faini ya Sh1 milioni na kufungiwa mechi tatu kIpa wa Ihefu, Fikirini Bakari kwa kosa la kumpiga kwa makusudi mtoto muokota mipira (ball kid) kwa kutumia mpira.

Bodi imewataka wachezaji na maafisa wa ufundi kujiepusha na vitendo visivyo vya kiungwana michezoni ikiwepo kutoa Lugha ya matusi ama kushambulia kwa maneno au vitendo watoto waokota mipira uwanjani.

Allen Ngereka anayekipiga Kagera Sugar ametozwa faini ya Sh1 milioni na kufungiwa michezo mitatu kwa kwa kosa la kumpiga mchezaji wa Coastal Union, Greyson Gwalala kwenye mchezo wa Ligi katika uwanja wa Mkwakwani, Tanga Desemba 9, 2023. Kwa upande mwingine TPLB imempunguzia adhabu aliyekuwa kocha wa magolikipa wa Mashujaa FC, Ally Shomari ambaye alifungiwa miezi 12 kwa kosa la kumpiga ngumi aliyekuwa kocha wa Mbeya City, Abdalllah Mubiru katika mchezo wa marejeano katika hatua ya mtoano ya kuwania kupanda Ligi Kuu 2023-2024

Kocha huyo amepunguziwa adhabu kutoka miezi 12 Hadi 6 kutokana na kuonyesha mwenendo mzuri wakati akiitumikia adhabu yake.