TFF: Kamilisheni vibali vya wachezaji wa kigeni

Vilabu vyote vya Ligi Kuu Tanzania bara vilivyofanya usajili wa wachezaji wa kimataifa zinakumbushwa kuomba na kukamilisha vibali vya wachezaji hao kuishi na kufanya kazi nchini kwa mujibu wa utaratibu wa sheria za nchi.

Hayo yamesemwa na shirikisho la mpira wa miguu Tanzania, (TFF) kupitia taarifa yake kwa umma na kubainisha kuwa mchezaji wa kigeni ambaye hatakuwa na vibali hivyo hataruhusiwa kucheza, hivyo ni vyema klabu zikahakikishe zinapata vibali husika.

Aidha imeongeza kuwa vibali hivyo vinahusu wachezaji wote wa kigeni.