Mshambuliaji wa PSG, Kylian Mbappe
Real Madrid bado wanaamini wanaweza kumsajili winga hatari wa kimataifa wa Ufaransa na Paris St-Germain Kylian Mbappe, 23, hata hivyo bado mchezaji huyo hajafanya maamuzi ya hatima yake.
Barcelona hawavutiwi tena kumrudisha mshambuliaji wake Antoine Griezmann, 31, ambaye kwa sasa yuko Atletico Madrid kwa mkopo, endapo hatabakia Wanda Metropolitano huenda Barca watalazimika kumuuza hata kwa bei ya hasara.
Mpango wa Barcelona kwa sasa ni kumsajili mshambuliaji wa kimataifa wa Poland na Bayern Munich Robert Lewandowski, 33, ambaye ameomba kuondoka kwenda kutafuta changamoto mpya.
Chelsea wamekubaliana na Inter Milan kwa ajili ya kumsajili winga wa kimataifa wa Croatia Ivan Perisic, 33, kama mchezaji huru.
Kiungo mkabaji wa Barcelona na Uholanzi Frenkie de Jong, 25, ambaye amekuwa akihusishwa kujiunga na Manchester United huenda akagomea kutua Old Trafford badala yake inaonekana akatimukia eneo lingine.