TETESI ZA USAJILI: Raheem Sterling awakataa Arsenal hadharani

Raheem Sterling atakataa ofa yoyote kutoka Arsenal msimu huu wa kiangazi na anataka kupigania nafasi yake ndani ya klabu ya Chelsea .

Chanzo: [TalkSport]

Atletico Madrid wamefikia makubaliano binafsi na beki wa kati wa klabu ya Leicester city Çaglar Soyuncu kujiunga nao pindi atakapomaliza mkataba wake mwishoni mwa msimu huu.

Pia Atletico Madrid imefanya mazungumzo ya juu ya kumsajili Adam Traore ambaye mkataba wake na Wolverhampton inafikia tamati msimu huu.

Chanzo: [90min]

Malengo makubwa ya Real Madrid katika dirisha la uhamisho la majira ya joto ni kupata saini ya kiungo Jude Bellingham na beki wa kati Josko Gvardiol.

Chanzo: [Diario Sport]

Mshambuliaji wa kimataifa wa Cameron Eric Maxim Choupo-Moting amefikia makubaliano ya jumla na klabu yake ya Bayern Munich juu ya kusaini mkataba mpya. Atapata malipo makubwa katika mkataba wake huu mpya.

Chanzo: [Florian Plettenberg]

Chelsea wemekutana na kocha wa zamani wa klabu ya Tottenham Hotspur na PSG Mauricio Pochettino kama maandalizi ya maisha bila Graham Potter.

Chanzo: [Football Insider]

Kocha wa zamani wa klabu ya FC Barcelona Luis Enrique amepewa ofa ya mkataba wa miaka 3 na Atletico Madrid kuchukua nafasi ya kuwa kocha mkuu wa klabu hiyo msimu huu wa kiangazi.

Lakini dili hilo litakamilika ikiwa Diego Someone ataamua kuondoka klabuni hapo.

Chanzo: [Football Espana]

Arsenal na Newcastle United wote wana nia ya kumsajili kiungo wa klabu ya West Ham United Lucas Paqueta msimu huu wa kiangazi.

Chanzo: [Fichajes]

Rais wa klabu ya PSG Nasser Al-Khelaifi amekanusha vikali madai juu ya kuwa alihusika katika utekwaji nyara na kuteswa kwa mfanyabiashara nchini Qatar aliyeshikilia taarifa kuhusu zabuni ya Kombe la dunia 2022.

Chanzo: [Daily Mail Sport]

Manchester City wanafikiria kwenda kumsajili kiungo wa klabu ya Chelsea Mateo Kovacic msimu huu wa joto, kiungo huyo amebakiza mwaka 1 katika mkataba wake na Chelsea.

Chanzo: [Telegraph]

Klabu ya Manchester City inalenga kumsajili beki wa kushoto wa klabu ya Chelsea Ben Chilwell msimu ujao wa joto.

Chanzo: [Football Insider]

Beki wa klabu ya Arsenal Kieran Tierney atakuwa wazi kujiunga na klabu ya Newcastle United msimu huu wa kiangazi.