TETESI ZA USAJILI: Mane kupishana na Son Anfield

Kocha wa Liverpool, Jurgen Klopp amepanga kupeleka ofa ya kumnasa Son Heung-min kwenye dirisha la majira ya kiangazi la mwaka huu akakipige Liverpool.

Son ni moja ya washambuliaji wa daraja la juu kabisa kwenye Ligi Kuu England akiwa na uwezo wa kuingia kwenye kikosi cha kwanza cha timu yoyote barani Ulaya.

Na sasa wakati Sadio Mane anajiandaa kuachana na Liverpool kwenye dirisha hili la majira ya kiangazi, Son alipangwa na kocha Klopp kuwa mbadala sahihi huko Anfield.

Huenda mpango wa Liverpool ukakwama kutokana na Klabu ya Tottenham kufuzu kushiriki Michuano ya Ligi ya Mabingwa msimu ujao.