Kim Min-jae
Klabu ya Manchester City itapambana na Vilabu vya Manchester United, Liverpool na Tottenham katika harakati za kumsajili beki wa Korea Kusini, Kim Min-jae mwenye umri wa miaka 26 kutoka Napoli kwa £40m. (Sun)
Klabu ya Newcastle United inapanga kumrejesha winga wa zamani wa Leeds United wa FC Barcelona, Raphinha, Mchezaji huyo raia wa Brazil mwenye umri wa miaka 27 anaweza kuungana na mlinzi wa Uturuki Arda Guler mwenye umri wa 18 na kiungo mwenzake Ferdi Kadioglu mwenye umri wa miaka 23 kutoka Fenerbahce. (Mirror)
Newcastle United pia imeungana na Borussia Dortmund kuwa miongoni mwa vilabu vinavyofuatilia hali ya winga wa Leeds Mholanzi Crysencio Summerville mwenye umri wa miaka 21. (Football Insider)
Klabu ya Chelsea imetajwa kuwa katika nafasi nzuri ya kukamilisha usajili wa winga wa Ureno, Diego Moreira mwenye umri wa miaka 18 kutoka Benfica. (90Min)
Maskauti wa Newcastle na Manchester United walikuwa wakifuatilia Uchezaji wa Mshambuliaji wa Slovenia, Benjamin Sesko mwenye umri wa miaka19 akiichezea Red Bull Salzburg wiki hii. (Dakika 90)
Vilabu vya Liverpool na Chelsea vimeungana na Manchester City katika mbio za kumsajili beki wa kati wa Croatia, Luka Vuskovic mwenye umri wa miaka 16 kutoka Hajduk Split ya kwao Croatia. (Daily Mail)
Klabu ya Arsenal ipo kwenye mpango wa kufufua majadiliano ya kumnunua Mshambuliaji wa Wolves na Ureno Pedro Neto mwenye umri wa miaka 23. (TeamTalk)
Klabu ya Manchester United inaimarisha juhudi zao za kumsajili Mshambuliaji wa Tottenham Hotspur Harry Kane msimu huu wa joto, huku nahodha huyo wa Uingereza mwenye umri wa miaka 29 akitarajiwa kugomea mkataba mpya na klabu yake ya Tottenham. (Telegraph)
Mshambuliaji wa Crystal Palace na Ivory Coast Wilfried Zaha amepewa mkataba mpya wenye thamani ya pauni 200,000 kwa wiki na The Eagles. Mkataba wa mchezaji huyo mwenye umri wa miaka 30 unatarajiwa kumalizika mwishoni mwa msimu huu, huku akizivutia Arsenal, Chelsea na Paris St-Germain. (Guardian)
Klabu ya AC Milan imeweka bei ya pauni milioni 35 kwa mlinda mlango Andre Onana, huku Chelsea ikiripotiwa kumnyatia nyanda huyo kutoka Cameroon mwenye umri wa miaka 27. (Goal)
Mshambulizi wa Chelsea, Pierre-Emerick Aubameyang mwenye umri wa miaka 33, ndiye anayelengwa zaidi na Klabu ya Barcelona msimu huu wa joto ili kumsaidia Mshambuliaji Robert Lewandowski raia wa Poland mwenye umri wa miaka 34. (Sky Sports)
Kiungo wa kati wa Uhispania, Gavi mwenye umri wa 18 ameihakikishia klabu ya Barcelona kuwa hana mpango wa kuondoka Nou Camp msimu huu wa joto, licha ya kuwa bado hajakubali mkataba mpya na anafuatiliwa na vilabu kadhaa barani Ulaya, ikiwemo Chelsea. (Sport)