Raheem Sterling mkataba wake Manchester City unamalizika 2023
Miongoni mwa tetezi za usajili leo ni Liverpool inakaribia kukamilisha usajili wa Darwin Nunez na Chelsea wanamuwania Raheem Sterling kutoka Manchester City.
Klabu ya Liverpool imefikia makubaliano binafsi na mchezaji Darwin Nunez ya kumsajili akitokea katika klabu ya Benfica ya Ureno. Lakini bado Liverpool na Benfica hazijafanya mazungumzo juu ya ada ya uhamisho ya mchezaji huyo raia wa Uruguay.
Inaripotiwa kuwa Benfica wanataka dau la Pauni milioni 85.5 kama ada ya uhamisho ambayo ni sawa na Bilioni 249,305,075,220.95 kwa pesa ya Tanzania. Nunuez amefunga mabao 34 kwenye michezo 41 msimu wa 2021-22 na Liverpool wanamuangazia kama mbadala wa Sadio Mane anayehusishwa kujiunga na Bayern Munich.
Mabingwa wa Dunia klabu ya Chelsea inampango wa kumsajili mshambuliaji wa Manchester City na timu ya taifa ya England Raheem Sterling. Kumekuwa na taarifa kuwa Sterling mwenye umri wa miaka 27 anataka kuondoka Manchester City kwa sababu amekuwa hapati muda mwingi wa kucheza. Na mkataba wake na Manchester City unamalizika 2023. Hivyo Chelsea wanafuatilia kwa karibu kama kuna uwezekano wa kumsajili mchezaji huyo.
Wakala wa wachezaji Jorge Mendes yupo kwenye mazungumzo na FC Barcelona ya Hispania juu ya uwezekano wa kumsajili mteja wake kiungo Bernaldo Silva kutoka Manchester City. Inaripotiwa kuwa Barcelona wanaweza kumnunua Bernardo endapo kama watamuuza Frankie de Jong.
Liverpool wanatarajia Bayern Munich watafikia dau wanalotaka la usajili la Sadio Mane ambalo ni Pauni milioni 40 sawa na Bilioni 116,647,268,270.52 kwa pesa ya Tanzania. Liverppool wanataka pesa hiyo watakayomuuza Mane waiongezee kwenye bajeti ya kumnunua Darwin Nunuez