Jude Bellingham
Real Madrid wako katika nafasi nzuri ya kumsajili kiungo wa kati wa Uingereza Jude Bellingham, 19, kutoka Borussia Dortmund msimu ujao. (Fichajes - in Spanish)
Kiungo wa kati wa Barcelona Frenkie de Jong, ambaye alihusishwa na kuhamia Manchester United msimu wa joto, ana nia ya kusalia katika klabu hiyo ya Nou Camp na mchezaji huyo wa kimataifa wa Uholanzi, 25, hatasikiliza ofa yoyote Januari. (Sport - in Spanish)
Juventus wanataka kumleta kiungo wa kati wa Serbia Sergej Milinkovic-Savic, 27, kutoka Lazio na beki wa kati wa Italia Alessandro Bastoni, 23, kutoka Inter Milan ili kumshawishi meneja wa Tottenham Antonio Conte kujiunga nao. (Calciomercato)
Makamu wa rais wa Juventus Pavel Nedved amepuuzilia mbali mpango wowote wa Conte kwa kusema klabu hiyo ya Serie A "ina imani kamili" na meneja Max Allegri. (DAZN)
Tottenham wanataka kumuuza kiungo wa kati wa Argentina Giovani lo Celso, ambaye yuko kwa mkopo Villarreal, na Spurs wanaweza kukubali ofa ya £18m kwa mchezaji huyo mwenye umri wa miaka 26. (Football Insider)
Manchester United wanavutiwa na mlinzi wa Bayer Leverkusen Jeremie Frimpong lakini wanaweza kukabiliana na ushindani kutoka kwa Chelsea kumnunua Mholanzi huyo mwenye umri wa miaka 21. (Football Transfers)
Nottingham Forest, Tottenham, West Ham na Marseille wako tayari kufufua nia yao ya kumnunua kiungo wa kati wa Atalanta na Ukraine Ruslan Malinovskyi, 29. (Calciomercato - in Italian).
Atletico Madrid ilikataa ofa ya euro 100m kutoka kwa Bayern Munich kwa mshambuliaji wa Ureno Joao Felix mwenye umri wa miaka 22 katika msimu wa joto. (Marca in Spanish)
Real Madrid wanajiandaa kumpa kiungo wa kati wa Uhispania Marco Asensio mkataba mpya, huku mkataba wa sasa wa mchezaji huyo wa miaka 26 ukikamilika msimu wa joto. (Marca in Spanish)
Mshambuliaji wa Valencia Edinson Cavani, 35, aliumia kifundo cha mguu katika mchezo dhidi ya Barcelona Jumamosi na Uruguay wanasubiri kujua ukubwa wa suala hilo kuelekea Kombe la Dunia linaloanza tarehe 20 Novemba. (Marca in Spanish)