Joseph Mwaiswelo na Rais wa TFF, Wallace Karia.
Shirikisho la Soka Tanzania (TFF) kwakushirikiana na Taasisi ya Kupambana na Kuzuia Rushwa nchini, (TAKUKURU) wameeleza mikakati ya kampeni ya kutokomeza rushwa katika soka wakianza kwa Kuelimisha jamii juu ya athari za rushwa katika mchezo wa mpira wa miguu.
Akizungumza na Waandishi wa Habari leo, Agosti 17, 2023 jijini Dar es Salaam kwenye ofisi za TFF, Mkurugenzi wa elimu kwa umma wa TAKUKURU, Joseph Mwaiswelo ameeleza kuwa malengo ni kujenga ujasiri kwa wadau wa mpira ilikuweza kutoa taarifa na kuchukua hatua za kutokomeza vitendo vya upangaji wa matokeo kupitia rushwa.
“Uwepo wa TAKUKURU katika hili haimaanishi takukuru inaingilia mpira wa miguu hapana, bali TAKUKURU inashirikiana na TFF ili kuleta furaha katika mpira wa miguu, kupitia namba 113 unaweza kupiga simu bure na kutoa taarifa juu ya tuhuma za rushwa,” amefafanua Mwaiswelo.