Sumaye: Mimi ni shabiki wa Simba

Waziri Mkuu Mstaafu wa awamu ya tatu, Mzee Frederick Sumaye amesema katika vilabu vya Tanzania yeye ni shabiki wa Simba lakini Yanga ikishinda katika michuano ya Kimataifa ni heshima kubwa kwa Taifa.

Mzee Sumaye amesema hayo wakati akifanya mazungumzo maalum na kipindi cha Power BreakFast cha Clouds FM.

“Kwenye mashindano ya ndani mimi ni shabiki wa Simba lakini kwenye mashindano ya kimataifa mimi ni Mtanzania, nimeishangilia Yanga inapocheza mechi mbalimbali za kimataifa.

“Naamini Yanga ikishinda na kupata kombe [Kombe la Shirikisho Afrika] ni heshima kwa Tanzania na nchi yetu itapanda juu kwenye mpira wa miguu. Naiombea Yanga ipate kombe hilo.”