Straika Cameroon amponda Salah, Waarabu wamshambulia

Mshambuliaji wa zamani wa Lorient na mchezaji wa kimataifa wa Cameroon, Vincent Aboubakar, ambaye sasa anakipiga katika klabu ya Al-Nassr ya Saudi Arabia, amesema haamini kwamba Mo Salah kuwa miongoni mwa wachezaji bora zaidi.

Nyota huyo mwenye umri wa miaka 30 hapo awali alieleza kwamba hafurahishwi na Mmisri huyo, ambaye amefunga mabao 170 katika klabu ya Liverpool katika zaidi ya misimu 5, katika mahojiano yake na RFI mnamo Februari mwaka huu.

Aboubakar alimtakia Mo Salah mafanikio mema lakini akaeleza kuwa haoni akiwa katika kiwango sawa na Kylian Mbappé, na kwamba Salah hana athari za kutosha kwenye uchezaji wa timu yake licha ya idadi ya mabao anayofunga. .

Mshindi huyo wa Kombe la Mataifa ya Afrika 2017, Aboubakar alisisitiza maoni hayo katika mahojiano yake ya hivi punde, na kuongeza kwamba hakushtushwa na maoni yake ya awali na kwamba yeye mwenyewe angeweza kufanya vivyo hivyo ikiwa angechezea klabu kama Liverpool.

“Naelewa mitazamo ya watu, ni mmoja wa wafungaji bora kwenye EPL. Lakini nilisema kwamba ilikuwa maoni yangu, Sipendi ikiwa watu hawapendi, sivutiwi naye. naweza kufanya anachofanya. Sina nafasi ya kucheza katika klabu kubwa."

Kauli hiyo imemuweka katika wakati mgumu nyota huyo kwani amejikuta akishambuliwa na wapenda soka wengi barani Afrika.