Stephen Sey atimkia Libya

Stephen Sey amefanikiwa kujiunga na Klabu ya Al-Suqoor ya Libya akisaini mkataba wa mwaka mmoja akitokea Dodoma Jiji ya hapa nchini.

Sey ambaye amewahi kutamba na Namungo ya Lindi amesaini mkataba huo wiki iliopita baada ya kufuzu majaribio ya wiki mbili.

Hata hivyo, Sey bado hajatambulishwa rasmi na klabu hiyo akisubiri hali ya nchini humo kutulia kufuatia ligi kusimamishwa kutokana na janga la mafuriko lililoikumba nchi hiyo.