Stefano Pioli amwaga wino AC Milan

Klabu ya AC Milan imemuongezea Mkataba kocha wao Stefano Pioli ambapo mkataba mpya utamuweka kwenye dimba la San Siro mpaka mwaka 2023 huku kikiwa na kipengele cha kuongeza mwaka mmoja zaidi.

Stefano Pioli mwenye umri wa miaka 55 alichaguliwakuwa kocha wa timu ya Ac Milan oktoba 2019 baada ya kutimiliwa kazi kocha Marco Giampaolo

Klabu ya Ac milan chini ya Stefano Pioli imecheza michezo 106, na kushinda 59 wakitoa sare 27 na kupoteza 20 tu kwa kipindi chote, kwa sasa Milan iko nafasi ya pili kwenye msimamo wa ligi kuu ya Italia, ikiwa imecheza michezo 13 na wakikusanya pointi 32 sawa na kinara wa ligi hiyo Napoli huku wakitofautiana magoli ya kufunga na kufungwa.

kwenye ligi ya mabingwa Milan wanashika nafasi ya tatu wakiwa wamejikusanyia pointi nne tu, kwenye michezo mitano waliocheza huku Liverpool akiongoza kundi kwa pointi kumi na tano na anyemfuatia akiwa na pointi tano pekee.