Southgate: Wachezaji Hawatarudia Makosa, Euro 2020,WC 2018
Kocha wa England, Gareth Southgate anasema kuwa chochote zaidi ya kurudiwa kwa fainali ya Euro 2020 au nusu fainali ya Kombe la Dunia 2018 kitawakilisha huzuni kwa England wakati anajiandaa kutaja kikosi chake cha Kombe la Dunia siku ya Alhamisi, kwa ajili ya mashindano ya Qatar, huku Ben Chilwell akiwa majeruhi wa hivi karibuni.
Meneja huyo wa England anasisitiza kwamba wachezaji wake wamethibitisha kuwa wako tayari kwa ajili ya kupambana na kuleta Ubingwa nyumbani.
“Siku zote tunazungumza kuhusu kutaka kuifanya nchi kuwa na fahari. Tukisimamia hilo, basi tutakuwa tumeshinda mechi chache.
“Katika michuano miwili iliyopita, ambapo tumejitofautisha, hatukujua jinsi wachezaji wangefanya, kwani wengi wao wachanga wa michuano hiyo".
“Lakini wachezaji wangu wanajua wanachoweza. Wamefika nusu fainali na fainali kwa hivyo watasikitishwa ikiwa watapata matokeo mabaya huko Qatar.”
Lakini Southgate anatafakari mwishoni mwa juma kama ataleta beki asiye na uzoefu kwa Chilwell au amtegemee Kieran Trippier kama beki mbadala wa kushoto, jambo ambalo ni hatari, kwani atahitajika kucheza beki wa kulia kutokana na majeraha ya Kyle Walker na Reece James.
Walker anatarajiwa kujumuishwa katika kikosi hicho pamoja na kiungo wa Manchester City, Kalvin Phillips, licha ya majeraha yao. Meneja wa City Pep Guardiola alisema kuwa Phillips atakuwa kwenye benchi kwa mechi yao ya Kombe la Carabao dhidi ya Chelsea siku ya Jumatano huku akiendelea kupona kutokana na upasuaji wa bega.