Singida yaifuata Future, watatu wakosekana

Singida Big Stars imeondoka nchini leo Septemba 26 kuelekea nchini Misri kuifuata Future FC kwenye mchezo wa pili Kombe la Shirikisho Afrika utakaopigwa Oktoba 1 mwaka huu.

Akizungumza nasi Ofisa Habari wa klabu hiyo, Hussein Massanza alisema wanaondoka nchini na kikosi cha wachezaji 23.

Masanza amesema sababu ya kuondoka na wachezaji hao wengine kuwa na majeraha akiwemo Joash Onyango, Frank Mkumbo na Abdulmajid Mangalo.

Kuhusiana na Habib Kyombo kutosafiri na timu amesema ni machaguo ya Kocha msaidizi wa kikosi hicho, Mathias Lule kwenda na baadhi ya wachezaji ili waliosalia wajiandae na mechi za Ligi Kuu.

"Tusingeweza kusafiri na wachezaji wote ingekuwa lazima twende nao baadhi lakini haya pia ni machaguo ya Kocha wetu yeye ndio wanajua tunaenda na nani sio kwamba waliobaki hawana uwezo hapana wao wataungana na timu itakaporudi kwenye mechi za Ligi." amesema Massanza.