Kocha wa Singida Fountain Gate, Jamhuri Kihwelu ‘Julio’
Ushindi wa mabao 2-1 iliopata ugenini mbele ya Ruvu Shooting, umempa nguvu Kocha wa Stand United, Hassan Mzenji akisema wanahitaji pointi sita ili kubaki kwenye ligi.
Timu hiyo ina mechi mbili nyumbani mjini Shinyanga dhidi ya Green Warriors na Transit Camp na inahitaji pointi sita zitakazoifanya ifikishe alama 36 na kukwepa kushuka daraja.
Hadi sasa Chama hilo la Wana wapo nafasi ya 30 katika nafasi ya 10 na imebakiza mechi nne ikipiga dua kushinda michezo miwili ili kuweza kubaki salama.
Mzenji alisema kwa sasa kilichobaki ni kushinda mechi hizo mbili za nyumbani kwanza ili kuvuna pointi hizo huku akiwapongeza wachezaji wake kwa kujituma.
Alisema baada ya mchezo dhidi ya Ruvu Shooting, wanaenda kusahihisha makosa haswa eneo la beki lakini kuongeza makali eneo la straika kuhakikisha Green Warriors wanapigwa.
“Sisi bado tunahitaji alama sita ili tuwe sehemu salama kwahiyo mechi mbili hizi za nyumbani hatutaki hata sare zaidi ya ushindi, vijana tutawajenga kisaikolojia,” alisema na kuongeza.
“Yapo maeneo kama beki lakini tutaongeza makali kwa straika ili kuongeza idadi ya mabao ya kufunga, mechi zilizobaki ni za kimkakati ili kukwepa kushuka daraja,” alisema kocha huyo.