Singida Big Stars wafanya maboresho kwenye Logo yao

Klabu ya Singida Big Stars imefanya masahihisho kwenye logo ya klabu hiyo ambayo awali ilionesha kuwa klabu hiyo ilianzishwa mwaka 2021 jambo ambalo inadai sio sahihi.

Singida Big Stars imeibainisha kuwa mwaka 2021 ni mwaka ambapo ilibadili jina kutoka kuitwa Diamond Trust Bank (DTB) FC na kuwa Singida Big Stars.

Aidha klabu hiyo imeongeza kuwa ilianzishwa mnamo 2010 kama timu ya wachezaji wa benki ya DTB kabla ya kubadili jina na kuwa Singida Big Stars mnamo 2021.