Kikosi cha Simba kitakuwa wageni wa Kagera Sugar
Kikosi cha Simba kimeingia kambini jana Januari 23, kujiandaa na mchezo wa Ligi Kuu NBC, dhidi ya Kagera Sugar utakaopigwa Uwanja wa Kaitaba Jumatano hii.
Mchezo huo ni ule wa kiporo ambao awali ulipangwa kuchezwa Desewmba 18, mwaka jana lakini ulishindikana kuchezwa kutokana na idadi kubwa ya wachezaji wa Simba kuugua ghafla na hivyo kuahirishwa.
Wekundu wa Msimbazi wataendelea na mazoezi jion ya leo, katika uwanja wa Mo Simba Arena.
Akizungumzia maandalizi yao kuelekea mchezo huo, Meneja wa Simba, Patrick Rweyemamu amesema;
"Licha ya kutopata ushindi katika michezo yetu miwili iliyopita, tunashukuru morali ya wachezaji ipo juu na wako tayari kupambana kuhakikisha wanapata alama tatu"
Simba imeshindwa kupata ushindi katika michezo yake miwili ya mwisho ya Ligi Kuu NBC, wakipoteza dhidi ya Mbeya City, na kutoa sare na Mtibwa.