Simba watua salama Ethiopia

Msafara wa kikosi cha cha Wanamsimbazi Simba Sc umefika salama jijini Addis Ababa, nchini Ethiopia jana usiku.

Kikosi hicho kimelala Addis Ababa na leo asubuhi wanatarajia kuendelea na safari yao kwenda nchini Niger ambapo kesho Jumapili watavaana na USGN katika mchezo wa kombe la Shirikisho barani Afrika.



Baada ya hapo Simba wataelekea Morocco kwa ajili ya maandalizi ya mechi yao na Berkane ya nchini humo.

Katika mechi ya kwanza ya kundi lao iliyopigwa Jumapili iliyopita, Simba walifanikiwa kuibuka na ushindi wa bao 3-1 dhidi ya ASES Mimomas ya Ivory Coast.