Simba watua Dar, waanza kumuwinda Jwaneng Galaxy

Kikosi cha Simba SC tayari kimewasili nchini usiku wa kuamkia leo Februari 26, 2024 kikitokea nchini Ivory Coast walipokwenda kukipiga na ASEC Mimosas.

Kwenye mechi hiyo ya tano ya raundi ya makundi, Simba aliambulia sare ya bila kufungana na kukamata nafasi ya pili kwenye msimamo wa kundi B akiwa na alama 6 nyuma ya ASEC anayeongoza akiwa na alama 11.

Simba anaanza maandalizi rasmi ya kukipiga na Jwaneng Galaxy Jumamosi hii ya Marchi 2, 2024 katika uwanja wa Benjamini Mkapa jijini Dar na atakuwa akihitaji ushindi tu ili kujihakikishia nafasi ya kufuzu robo fainali.