Simba wanatakiwa kumvumilia Willy Onana

Baadhi ya mashabiki wa klabu ya Simba wameonesha dhahiri kutoridhishwa na kiwango alichoonesha MVP wa Rwanda, Willy Essomba Onana katika michuano ya African Football League (AFL).

Na wengine wakienda mbali kwa kuomba klabu ya Simba iachane na mchezaji huyo wakiamini kuwa haendani na kasi ya mchezo wa Simba.

Jambo kama hilo lilishawahi kuwatokea mashabiki wa Manchester United kwa wachezaji wawili, Andre Onana pamoja na Harry Maguire.

Ilifikia hatua mashabiki wakatamani klabu hiyo kuachana na wachezaji hao kutokana na viwango vyao uwanjani mara kadhaa wakisababisha makosa yaliyopelekea Man United kuadhibiwa na wapinzani wao.

Stori hizi zimebadilika ghafla katika mchezo wa Manchester United dhidi ya FC Copenhagen ambapo Harry Maguire alifanikiwa kuifungia klabu yake goli moja la ushindi huku Onana akiokoa mkwaju wa Penati na kuifanya Man United kuondoka na ushindi wa goli 1-0 na alama 3 zilizopitia kwa wachezaji ambao mashabiki walichoshwa nao awali.

Kuna akili inaniambia ipo siku Onana atafanya jambo kubwa na mashabiki wa

simba watazisahahu hizi stori zote za kutaka aondoke Msimbazi.