Simba wafunguka hatma ya Mgunda

Wekundu wa Msimbazi Simba SC, wameeleza kuwa hatma ya kocha wao msaidizi Juma Mgunda ndani ya kikosi chao itajulikana muda sio mrefu.

Meneja wa Habari na Mawasiliano wa Simba SC, Ahmed Ally, amefunguka hilo leo Julai 14, alipoulizwa na Wasafi FM.

"Upo utaratibu unaandaliwa kwa ajili ya Juma Mgunda, tusubiri tu kidogo tutawatangazia muda sio mrefu," alisema Ahmed.

Ahmed aliulizwa swali hilo kufuatia Kocha Mkuu Roberto Oliviera 'Robertinho' kuondoka nchini hivi karibu na kundi la kwanza la wachezaji kwenda kuweka kambi nchini Uturuki huku akisema benchi lake la ufundi limekamilika wakati Mgunda hakuonekana kwenye safari hiyo.