Taarifa ambazo zimetufikia hivi punde ambapo Wekundu wa Msimbazi Simba SC, wametangaza kuachana na aliyekuwa nahodha wao kwa muda mrefu John Rafael Bocco. Kupitia kurasa zao rasmi za mitandao ya kijamii, Simba wameposti picha ya nahodha huyo wa zamani na kusindikiza na ujumbe uliosomeka hivi:
“Nahodha wetu na mshambuliaji kinara John Bocco hatokuwa sehemu ya kikosi.” Hivyo ni rasmi sasa Bocco hatakuwa sehemu ya kikosi cha msimu ujao wa Ligi Kuu ya NBC 2024-25.
Bocco ambaye hivi karibuni alitangazwa kupewa timu ya vijana kuifundisha, akiwa na timu kubwa kwa misimu kadhaa amecheza kwa mafanikio makubwa huku akichukua kiatu cha ufungaji bora.
Bocco ameiongoza Simba kutwaa ubingwa wa Ligi Kuu mara nne mfululizo pamoja na kucheza Klabu Bingwa na Shirikisho Afrika kwa mafanikio ya Robo Fainali kwa misimu kadhaa tofauti.