Simba vs Yanga Giza Bado Nene

Kufuatia Klabu ya wekundu wa Msimbazi kugomea mkutano na wanahabari wa kuelezea maandalizi ya mchezo wake dhidi ya Yanga uliopangwa kupigwa jumamosi hii Desemba 11,kwa madai ya kutokukubaliana na uwepo wa logo wa wadhamini wenza wa NBC Premier league, Kampuni ya GSM.

Hofu imetanda kwa mashabiki wa soka nchini kuwa huenda mchezo huo usifanyike kama ulivyopangwa baada ya klabu hiyo kutokukubaliana na TFF.

Simba wametumia mitandao yao ya kijamii kuelezea maandalizi yao kuelekea mchezo huo baada ya kususia mkutano rasmi ulioandaliwa TFF.

Mapema juma hili klabu hiyo iliandika barua kwa TFF kutaka ufafanuzi wa kile ilichodai kuwa ni kukiukwa kwa taratibu katika mkataba uliosainiwa kati ya TFF na GSM ya udhamini mwenza wa ligi kuu.

TFF wameagiza vilabu vyote kwenye ligi hiyo kuweka logo ya mdhamini huyo kwenye jezi zake jambo ambalo Simba SC hawakubaliani nalo.