Simba ndio sababu ya marekebisho ya Uwanja wa Mkapa - Try Again

Mwenyekiti wa Bodi ya Wakurugenzi ya Simba SC, Salim Abdallah 'Try Again' amesema sababu ya marekebisho ya Uwanja wa Benjamini Mkapa ni Simba SC.

Try Again ameyasema hayo leo walipokuwa wakizindua jezi mpya maalum kwa ajili ya mchezo wao wa Kombe la African Footbal League (AFL) dhidi ya Al Ahly utakaopigwa Oktoba 20, 2023.

"Nashukuru serikali inayoongozwa na Rais wetu, Dkt. Samia Suluhu Hassan kwa kukubali kufanya marekebisho ya uwanja ule na kutumika kwa ufunguzi wa AFL. Wengine watautumia lakini sababu ya marekebisho ni Mnyama." alisema Try Again.