Simba kuzindua jezi yenye jina la Rais Samia Mlima Kilimanjaro

Simba SC wamesema jezi ambazo wanatarajia kuzizindua Ijumaa Julai 21, 2023, zitakuwa na majina ya viongozi mbalimbali wa Serikali akiwemo Rais Samia Suluhu Hassan.

Kauli hiyo imetolewa leo Julai 19, 2023 na CEO wa klabu hiyo Iman Kajula ambaye ameambatana na msafara ulionza safari ya kuupanda mlima Kilimanjaro kwa ajili ya kwenda kuzinduza jezi hizo mpya za msimu ujao 2023-24.

"Jezi zetu tano zitakazo zinduliwa juu ya kilele cha Mlima Kilimanjaro zitakuwa na majina ya Viongozi wa Serikali mgongoni Rais wa Jamhuri ya Muungano Dk. Samia Suluhu Hassan, Rais wa Zanzibar na Mwenyekiti wa Baraza la Mapinduzi, Hussein Ally Mwinyi, Makamu wa Rais Dk. Philip Mpango, Waziri Mkuu, Majaliwa Kassim Majaliwa, Spika wa Bunge, Dk. Tulia Akson na Rais wa Heshima Mohamed Dewji Mo," alisema Kajula.