Simba kufanya mabadiliko machache dhidi ya Singida

Wekundu wa Msimbazi Simba SC, kesho wanatarajia kufanya mabadiliko machache katika wachezaji wao kutokana na kubanywa na ratiba ya mechi zilizopo mbele yao.

Kauli hiyo imetolewa leo Marchi 11, 2024 na Kocha Msaidizi wa Simba, Seleman Matola alipokuwa akizungumzia maandalizi ya mchezo wao dhidi ya Singida FG utaopigwa kwenye Uwanja wa Azam Complex-Chamazi jijini Dar.

"Kutokana na jinsi ratiba ilivyo, kucheza mechi kila baada ya siku mbili, kikosi chetu kitakuwa na mabadiliko machache ila maandalizi na wachezaji wote wapo tayari kwa ajili kupata ushindi," alisema Matola.