Simba kuanza kuutangaza utalii wa Zanzibar

Klabu ya Simba imetangaza rasmi kuisadia Serikali ya Mapinduzi ya Zanzibar SMZ katika kutangaza Utalii kwa kutembelea maeneo yenye Vivutio vya Utalii pamoja na kuvaa Jezi zilizoandikwa Visit Zanzibar.

Simba itaanza kuvaa Jezi zilizoandikwa Visit Zanzibar kwenye Mchezo wao wa Pili dhidi ya Singida Fountain Gate.

“Sisi kama Klabu ya Simba tunawajibu wa kusaidia Serikali ya Mapinduzi ya Zanzibar kwa kutangaza Utaliii kupitia Michezo hivyo tutatembelea maeneo ya kihistoria na kuvaa Jezi zilizoandikwa Visit Zanzibar” Mtendaji Mkuu wa Simba Iman Kajula.

“Mashindano ya Mapinduzi tumeyapata heshima kubwa ndio maana tumekuja na kikosi kamili na tumedhamiria kuyatangaza kwa ukubwa zaidi,” Iman Kajula.