Kikosi cha Simba.
Mchambuzi nguli wa masuala ya soka nchini, Shaffih Dauda amesema kuwa kuwa kwa walipofikia Klabu ya Simba kwenye michuano ya kimataifa, bado wana deni kubwa na kazi ya ziada ya kufanya ili kuvuka kwenda mbele zaidi ya hapo.
Ikumbukwe kuwa, Simba kwa miaka ya hivi karibuni wamekuwa wakifika hatua ya Robo Fainali ya michuano ya CAFCL na CAFCC lakini wameshindwa kutoboa kwenda angalau hatua inayofuata ya nusu fainali.
“Kwa upande wa Simba SC wanadeni kwa sababu makundi sio stori tena,Simba wao ni Robo fainali, hapo kwao ndio wanaogelea iwe Shirikisho au CAFCL.
“Iwapo Simba wataishia makundi watakuwa wamerudi nyuma, wakifika robo fainali kwangu mimi haitakuwa stori watakuwa wamefika kwenye eneo lao”
“Lakini ukiangalia project ya msimu hauwezi kubeza wakifika robo fainali kwa namna ambavyo wameanza, robo fainali unazungumzia timu nane Afrika wakifika hapo hauwezi kusema walikuwa na msimu mbaya, watakuwa wame-maintain status yao. Kwenda kwenye Nusu Fainali watakuwa wame achieve,” amesema Dauda.
Una maoni gani?