Simba , Yanga wakibadilika watatoboa robo fainali

Hauwezi kuficha ukweli kuwa timu za Simba SC na Yanga zipo katika wakati mgumu wa kuhakikisha zinafuzu hatua inayofuata ya Ligi ya Mabingwa Afrika.

Pamoja na mapenzi yetu kwa wawakilishi pekee wa Tanzania kwenye Ligi ya Mabingwa Afrika lakini ukweli utabaki pale pale kuwa wana kazi kubwa ya kufanya mbele yao ili kutinga robo fainali.

Ugumu huo unasababishwa na matokeo mabaya kwenye michezo yao miwili ya kwanza kwenye hatua hii ya makundi.

Hamasa pekee haziwezi kusaidia bali jitihada binafsi Wachezaji, Benchi la ufundi, Viongozi na Dua za Watanzania ndiyo zitakazo saidia kuzinasua Klabu hizi za Kariakoo kutoka kwenye mstari mwekundu wa kutolewa Mashindanoni.

Mechi za ugenini kwa timu zote za Kariakoo ni Do or Die kama kweli zinania ya kusonga mbele kupoteza kwa namna yotote ile mchezo wa ‘away’ ni pigo kwao na ndoto zao zitakuwa ni za mchana sio za usiku.