Kikosi cha Simba kilipokutana na Ruvu kwa mara ya mwisho
Mabingwa watetezi wa Ligi Kuu Tanzania Bara, Simba SC kesho watakua Uwanja wa CCM kirumba Jijini Mwanza kuvaana na Maafande wa Ruvu Shooting, katika mchezo wa Ligi Kuu Bara.
Kuelekea mchezo huo wa kwanza kwa Mwalimu Mpya Pablo Martin, Simba hawana wasi wasi na maandalizi kwa upande wao yameshakamilika kwa asilimia zote.
Akizungumza Mratibu wa Timu ya Simba Abbas Ally kuelekea mchezo huo anasema;
"Unajua sisi ni mabingwa watetezi kwa hiyo morali tuliyoanza nayo ndio ile ile tuliyoishia nayo msimu uliopita"
"Kimsingi tuko sawa na tuko tayari kuwakabili Ruvu, kikubwa ni kumuomba Mungu ili mambo yaende kama yalivyopangwa " amesema Abbas
Tangu kuwasili kwa Kocha Mpya wa Simba SC, idadi kubwa ya wachezaji hawakua katika sehemu ya Kikosi kutokana na kuwa katika majukumu ya timu zao za Taifa.
Katika mchezo huo wa mwishoni mwa juma, Simba ina hati hati ya kumkosa mchezaji ake Peter Banda ambae alipata maumivu katika mechi za kuwania kufuzu kwa Kombe la Dunia.