Kikosi cha Simba kikifanya mazoezi ya mwisho
Klabu ya Simba inatarajia kushuka Dimbani hii leo kucheza mchezo wake wa kwanza wa hatua ya makundi dhidi ya Horoya ya huko Guinea majira ya saa 1:00 usiku.
Simba ambayo ipo Kundi C itaanza ugenini kabla ya kuja nyumbani kumenyana dhidi ya Raja Casablanca ambaye jana ametoa kipigo kizito kwa timu ya Vipers ambayo inatokea nchini Uganda.
Timu hiyo ambayo ipo chini ya kocha Mbrazil wamejiandaa kupata ushindi huko ugenini ili waweze kufanya vizuri kwenye mechi zao zinazofuata huku kundi hilo likiwa na timu kutoka Morocco ilishawahi kubeba taji hilo msimu juzi.
Wekundu wa Msimbazi wataingia dimbani huku wakimkosa kiungo wao Said Ntibanzokiza ambaye ni majeruhi huku akiwa mchezaji aliyeongeza kitu kwenye kikosi cha Roberto.
Je Msimbazi ataanzaje hii leo huko Guinea?