Laki 5 kila bao la Yanga inaendelea
Mdau na Shabiki Mkubwa wa Klabu ya Yanga sc kutoka Mkoa wa Geita Hussein Makubi Mwananyanzala ametangaza neema kwa klabu ya Wananchi yanga sc kwa kulipia kila Goli litakalo fungwa na klabu hiyo katika mashindano ya kimataifa ligi ya Mabingwa Barani Afrika.
Akizungumza na Wandishi wa Habari juzi Septemba 14,2023 Mwananyanzala amesema amekuwa shabiki Mkubwa wa Klabu ya Yanga sc na hivyo amekuwa akiiunga Mkono klabu hiyo katika Mashindano yote ya Kimataifa na hata Mwaka huu itakuwa hivyo kwa kusema kuwa sababu kubwa iliyo msukuma kulipia laki tano kwa kila Goli ni kuunga Mkono Klabu hiyo kufanya Vizuri sambamba na kuunga Mkono Kasi ya Rais Mhe.Dkt.Samia Suluhu Hassan katika sekta ya Michezo Nchini.
Yanga sc itatua uwanjani siku ya jumamosi katika Mwendelezo wa Michezo yake ya ligi ya Mabingwa Barani Afrika ikiwa ugenini nchini Rwanda tayari kukipiga na Al-Merrikh ya Sudani na Mwananyanzara kusema atakuwepo kuwapa Sapoti klabu ya yanga na yupo tayari kulipa fedha zote siku husika ya mchezo kulingana na idadi ya Mabao yatakayofungwa na klabu ya Yanga sc siku ya Jumamosi ya wiki hii.
Hata hivyo Mwananyanzala ametangaza kuwasafirisha Wandishi wote wa Habari Mkoa Wa Geita kwenda kuutazama Mchezo ya Marudiano kati ya Yanga sc na Al-Merrikh katika uwanja wa Azam Complex pamoja na huduma zingine muhimu kama Chakula na Mengine.