Shibboub Mchezaji Bora wa mwezi Ligi Kuu Rwanda

Mchezaji anayekipiga katika timu ya APRC ya Rwanda,Msudani Sharif Eldin Shibboub ndiye ambaye amechaguliwa kuwa mchezaji bora wa mwezi wa Februari kwenye Ligi Kuu Rwanda.

Shibboub amewashinda wachezaji Malanda Destin wa Amagaju FC, Hussein Shaban wa AS Kigali na Samuel Pimpong wa Mukuru VS aliokuwa ameingia nao kwenye fainali.

Mchezaji huyo wa zamani wa klabu ya Simba SC, ameifungia mabao manne katika mechi nne za Ligi Kuu Rwanda akiwa miongoni mwa wachezaji ambao wameitwa katika timu ya taifa ya Sudan.

Kwa upande mwingine kocha bora amechaguliwa Thierry Floger wa APRC huku golikipa bora wa mwezi akichaguliwa Nzeyurwanda Djihad wa timu ya Kiyovu Sports.