Shabiki maarufu wa Yanga aliyedaiwa kunywa sumu azikwa

Mamia ya waombolezaji wamejitokeza katika mazishi ya Katibu wa Klabu ya Yanga FC tawi la Shinyanga Mjini, Salamba Daudi Salamba (47) leo Jumatatu Agosti 28, 2023 katika makaburi ya Matanda kata ya Chamaguha Manispaa ya Shinyanga.

Salamba D Salamba mkazi wa mtaa wa Mabambasi kata ya Ndembezi Manispaa ya Shinyanga alikuwa Shabiki Kindakindaki wa Timu ya Yanga, Mtuma Salamu maarufu katika Redio mbalimbali na mwendesha bodaboda maarufu mjini Shinyanga alifariki dunia siku ya Ijumaa, Agosti 25, 2023.

Salama alifikwa na umauti baada ya kudaiwa kunywa sumu (maji ya betri) kutokana na kile kinachoelezwa kuwa ni kuelemewa na madeni, ingawa taarifa ya familia inasema alifariki duni baada ya kuugua ghafla.