Sergio Bosquets uso kwa uso na Ronaldo Saudi Arabia

Klabu ya Al Nassr imeripotiwa kuwasiliana na gwiji wa Barcelona, ​​Sergio Busquets kuhusu uwezekano wa uhamisho huru wakati wa msimu wa joto na kumfanya kuwa mchezaji wa pili wa hadhi ya juu kutoka Ulaya kujiunga na miamba hiyo ya Saudi Arabia katika kipindi cha mwaka mmoja baada ya Cristiano Ronaldo.

Mkataba wa Busquets (34) ndani ya Camp Nou utatamatika msimu huu wa joto na anahusishwa na kuondoka Uhispania.

Inter Miami ni mojawapo ya timu zinazotajwa kuhitaji saini ya Mhispania huyo lakini kwa mujibu wa Fabrizio Romano , Al Nassr wameingia kwenye kinyang'anyiro cha kuwania saini ya kiungo mkabaji.