Serengeti Girls yafanya kweli India, waichapa Ufaransa goli 2

Timu ya Taifa ya wasichana U17 imepata ushindi wake wa kwanza hii leo Oktoba 15 dhidi ya Ufaransa katika mashindano ya Kombe la Dunia chini ya umri wa miaka 17 yanayoendelea nchini India.

Serengeti Gils imeibuka na ushindi wa magoli 2-1, huku magoli yakiwekwa kimiani na Diana Mnally 17' huku bao la pili likipachikwa na Christer Bahera kipindi cha pili.

Serengeti Girls ilipoteza mchezo wa kwanza dhidi ya Japan wakipokea kichapo cha magoli 4-0.

Kwa ushindi huo Serengeti Girls wanakwea mpaka nafasi ya pili katika msimamo wa Kundi D wakiwa na alama 3 baada ya michezo miwli, nyuma ya Japan wenye alama tatu pia na mchezo mmoja mkononi.