Senzo aipa mbinu Yanga ya kwenda fainali

Aliyekuwa Mtendaji Mkuu (CEO) wa Yanga, Senzo Mbatha Masingiza amesema kuwa anaamini kuwa Yanga wana nafasi kubwa ya kupata matokeo katika mchezo dhidi ya Marumo Gallants na kutinga fainali lakini kama watacheza kwa nidhamu kubwa.

Senzo kwa sasa ni Mtendaji Mkuu wa Bodi ya Ligi ya Botswana huku licha ya kuhudumu katika taifa hilo lakini yeye ni raia wa Afrika Kusini.

Akizungumza nasi, Senzo alisema; “Yanga wameonyesha uwezo mkubwa sana haswa katika michezo ya ugenini ambayo wameicheza kuanzia kule Tunisia, Sudan, Nigeria, Mali na hata DR Congo huko kote walifanya vyema hivyo hata huku Afrika Kusini naamini kuwa watafanya vizuri.

“Kikubwa kwao ni kuweza kuwa na nidhamu nzuri ya mchezo ambayo itawasaidia wao kuepuka kufaya makosa mengi, naamini hilo litawasaidia wao na kuweza kutinga hatua ya fainali,Yanga ya sasa imezidi kuwa bora jambo ambalo linanifanya niamni kuwa watafika mbali zaidi,” alisema kiongozi huyo.