Scotland wavunja rekodi ya miaka 39 dhidi ya Hispania

Scotland imeichapa Hispania bao 2-0 katika mchezo wa kuwania kufuzu kucheza michuano ya Euro 2024 huku kiungo mkabaji wa Manchester United Scott McTominay akifunga mabao yote mawili.

McTominay alifunga magoli hayo mapema, bao la kwanza likiwekwa kimiani dakika ya saba kabla ya kufunga bao lingine kipindi cha pili dakika ya 51.

Ushindi wa Scotland unakuwa wa kwanza kwao mbele ya Hispania katika miaka 39, matokeo hayo yanaifanya sasa kushika nafasi ya kwanza kwenye msimamo wa Kundi A alama tatu mbele ya Hispania, tano zaidi ya Norwei.