Maurizio Sarri
Kocha wa Lazio, Maurizio Sarri aliangazia masuala yake na soka ya kisasa, akilalamikia ratiba ya mechi iliyobana.
Michuano ya Kombe la Dunia nchini Qatar msimu huu wa baridi kali imezilazimu ligi zote barani Ulaya kubadilisha ratiba zao na kuchukua mapumziko ya wiki sita, wakibanana katika idadi kubwa ya mechi za kucheza kabla ya michuano hiyo kuanza.
Vilabu vya Italia vinavyoshiriki mashindano ya Uropa vimecheza mechi kila baada ya siku tatu au nne kwa miezi sasa na majeruhi wameanza kuongezeka. Akizungumza na RSI Sport, Sarri alizungumza kwanza kuhusu masuala aliyonayo na soka la kisasa.
“Kandanda lazima iokolewe kutoka yenyewe na taasisi zake. Tunaenda kwenye barabara ambayo haiwezekani kuonyesha uzuri. Kulazimika kucheza mechi 60 hadi 70 kwa mwaka husababisha wachezaji kufanya mazoezi kidogo na kutoa mchezo usiovutia”.
Sarri amesema kuwa wapo katika wakati ambao michezo imekuwa biashara ambapo mwonekano ni muhimu zaidi kisha akatoa maoni yake iwapo fedha anazopata katika soka ni kinyume cha maadili.
“Ni ukosefu wa maadili kama ulimwengu wa leo. Iwapo mwigizaji anapata €30m kwa filamu ni kinyume cha maadili, lakini basi mapato yanahalalisha hilo. Nadhani sio haki, lakini ni sehemu ya ulimwengu wa leo.”
Katika wiki nne zijazo, timu za juu kama Napoli, Milan, Juventus na Inter zitacheza mechi saba kabla ya Serie A kusimama mnamo Novemba 14. Kisha vilabu vitatumia mapumziko kuwafunza wachezaji wasioshindana, huku wengi wakipanga kambi za mazoezi na kuanzisha ya kirafiki.