Sancho atafuta mlango wa kutokea Man United

Kuna taarifa kwamba winga wa Manchester United, Jadon Sancho anaweza kuondoka Old Trafford kutokana na moto kuzidi kupamba baada ya tovuti ya ESPN kuripoti baadhi ya wachezaji wenzake wamemkataa.

Sancho mwenye umri wa miaka, 23, huenda akatimkia zake Uturuki ambako dirisha la usajili la majira ya kiangazi bado lipo wazi. Staa huyu hivi karibuni ameingia kwenye sintofahamu baada ya kutupiana maneno na Kocha, Erik Ten Hag mara baada ya mechi dhidi ya Arsenal.

Mkataba wa sasa wa Sancho unatarajiwa kumalizika mwaka 2026, awali kulikuwa na ofa kutoka Al-Ettifaq ya Saudi Arabia lakini dili hilo likafeli.

Kwa sasa inaripotiwa kuna uwezekano Galatasaray na Fernebanhce zikamchukua kwa mkopo kwani uwezekano wa kucheza tena kwenye kikosi cha Mashetani Wekundu ni mdogo kutokana na hali ilivyo sasa.