Samatta atupia goli 2 Ubelgiji

Mshambuliaji wa Kimataifa wa Tanzania, Mbwana Samatta ameendelea kung'ara katika Ligi ya Ubelgiji baada ya leo Machi 5 kutupia mabao mawili na kusaidia Timu yake ya Genk kupata sare dhidi ya St.Truiden ugenini.

Katika mchezo huo wa Ligi Kuu ya Ubelgiji Mabao ya Genk yamefungwa na Samatta dakika za 23 na 62 wakati yale ya St.Truiden yakiwekwa wavuni na D. Hayashi, G. Bruno.

Genk wanaongoza msimamo wa Ligi Kuu ya Ubelgiji wakiwa na alama 67 baada ya michezo 28 huku Ligi hiyo ikishirikisha timu 18.