Mamadou Doumbia.
Mchambuzi wa masuala ya soka nchini, Saleh Ally 'Jembe' amesema kuwa beki wa Yanga, Mamadou Dombia ni mchezaji mzuri hivyo Yanga wanapaswa wampe muda ili azoee mazingira na naweza kuja kuwa msaada mkubwa kwa timu hiyo siku za usoni.
Jembe amesema hayo kufuatia wakati usajili ukiendelea kuelekea msimu ujao huku kukiwa na tete kuwa, beki huyo raia wa Mali aliyesajiliwa kwenye dirisha dogo msimu uliopita huenda akatemwa kupisha usajili wa beki mpya.
"Doumbia sio beki mbaya, haya mambo kwenye soka yanatokea, niliwaambia hata Joash Onyango watu waache uwanja wa mazoezi utaamua.
"Kwa Bakari Mwamnyeto pia alikuwa akipitia wakati mgumu na matatizo ya kifamilia lakini sio beki mbaya, leo hii tumeona kazi kubwa aliyoifanya kwa Yanga mpaka kufika fainali ya CAF, hata timu ya Taifa amekuwa mhimiri mkubwa sana.
"Doumbia ametoka kuwa kapteni ya timu ya taifa ya Mali kwenye michuano ya CHAN, maana yake alikuwa na kiwango kizuri na Yanga hawakukosea kumsajili, lakini haya mambo kwa wachezaji yanatokea sana.
"Bacca imekuwa rahisi kuingia kwenye kikosi cha Yanga, wanahitaji beki wa kati kwa ili kuwa na wigo mpana wa wachezaji kutokana na michuano wanayoenda kukabiliana nayo," amesema Jembe.