Salah aipa alama tatu Liverpool ugenini

Majogoo wa Jiji, Timu ya Liverpool imepata ushindi ugenini wa magoli 2-1 dhidi ya Tottenham Hotspur katika mchezo wa Ligi Kuu ya England jana Jumapili Uwanja wa Tottenham Hotspur.

Mabao yote ya Liverpool yamefungwa na Mohamed Salah dakika ya 11 na 40, wakati la Tottenham Hotspur limefungwa na Harry Kane dakika ya 70.

Kwa matokeo hayo, Liverpool inafikisha pointi 19 katika mchezo wa 13 na kusogea nafasi ya nane, wakati Spurs inabaki na pointi zake 26 za mechi 14 nafasi ya nne.