Sakho abariki jezi namba 10 ivaliwe na Luis Miquissone

Jezi namba 1️0 iliyokuwa ikivaliwa na Pape Osman Sakho ndani ya Simba SC ni rasmi sasa itavaliwa na Luis Miquissone kuanzia msimu ujao wa 2023/24.

Sakho ambaye kwa sasa ni mchezaji wa Quevilly Métropole ya Ufaransa kupitia mitandao ya kijamii amemtakia kila lakheri Miquesson ndani ya Simba SC na kumtabiria kufanya vizuri baada ya kurejea ndani ya timu hiyo akitokea Al Ahly ya Misri.

Jana Julai 26, 2023, Miquissone alianza rasmi mazoezi ya uwanjani na wenzake kambini huko Uturuki wanakojifua kujiandaa na msimu ujao wa Ligi Kuu 2023-24.